ભવનાથને મેળે જાવું છે bhavnath ne mele javu chhe gujrati lyrics

 ગાયક:- હેમંત ચૌહાણ

ભવનાથને મેળે જાવું છે [2]

શિવરાતને મેળે જાવું છે [2]

મારે મરઘી કુંડમાં ન્હાવું છે

શિવજીને મેળે જાવું છે

-- ભવનાથને મેળે

ભવનાથ તળેટીનો મેળો [2]

ગિરનારની છાયાનો મેળો [2]

શિવ ભક્તિમાં રંગાવુ છે

શિવજીને મેળે જાવું છે

-- ભવનાથને મેળે

જ્યાં ધૂન ભજનની બોલે છે [2]

હરિહરની હાલક બોલે છે [2]

ઈ ગતગંગામાં ન્હાવું છે

શિવજીને મેળે ન્હાવું છે

-- ભવનાથને મેળે

દરશનીયા સાધુ જોગીના [2]

ને ભક્તો પ્રેમ વિયોગીના [2]

રંગ ભગવામાં રંગાવું છે

શિવજીને મેળે જાવું છે

-- ભવનાથને મેળે

રહે રાખ સિદ્ધ ચોર્યાશીના [2]

જ્યાં આસન છે સુખરાશીના [2]

કરી દરશન ને ધન થાવું છે

શિવજીને મેળે જાવું છે

-- ભવનાથને મેળે

જ્યાં દત્તગુરુના આસન છે [2]

જતિ ગોરખ તણા વિરાસન છે [2]

પડી પાયે પાવન થાવું છે

શિવજીને મેળે જાવું છે.

-- ભવનાથને મેળે

વહેતી ગૌમુખી ગંગા છે [2]

સિદ્ધ સાધકના ઘર ચંગા છે [2]

ખૂબ હરીફરી હરખાવું છે

શિવજીને મેળે જાવું છે

-- ભવનાથને મેળે

મરઘી કુંડ પાપ પ્રજાળે છે [2]

દામોકુંડ પાતક બાળે છે [2]

એમાં નિર્મળ થાવા જાવું છે

શિવજીને મેળે જાવું છે

-- ભવનાથને મેળે

આવો આવો કે અલગારી

ભવનાથનો મેળો છે ભારી

ગુતાન બનીને ગાવું છે

શિવજીને મેળે જાવું છે

-- ભવનાથને મેળે

ૐ નમઃ શિવાય